بقلم : يسري مطاوع
أنا جرح نازف من سنين
لسه ميعرفشي الحنين
ولا يعرف الدنيا اللي قاسية
على اللي زيي المحرومين
حاولت اكون بالدنيا شيء
من سعادة أو ابتسامة
فوق شفايف ناس زيي
محطمين
اعمل ايه والحظ واقف
لسه دوري بالسعادة
مش لاقي لحظة يعدي فيها
وسط ناس واكله حق
المظلومين
تايه وببكي ع اللي راح
وسط الشوارع والحواري
ولسه رايح معرفش فين
كل مرة احس فيها إني عايش
إني زي الناس من حقي فرحه
يلطمني حظي بلطمتين
أرجع ودمعي فوق عيوني
أشتكي همي لناس
مش حاسة بيا
والقلب يتألم حزين
يا صرخة الألم اللي عاش
بيه مش ناوي ترحل
تتركني مرة أعيش سعادتي
بدون ألم وبدون أنين
